Ča se sve dogajalo od unda kad san zadnji put pisa novosti?
Naša Snježa Zekova je smrtno stradala u prometnoj nesrići. Neka budaletina je prešla na njenu stranu i - direktan sudar. Ma di baš Snježa? Bila je tako dobra, vridna, vesela! A činila je najbolji kolači... Luka ne panti veći sprovod - stotine ljudi sa školja, z grada i okolnih mista...
Gorilo je na Žmanskon jezeru i Luškin polju!!! Još se uvik ne zna ki je to zapali, ali puhalo je takovo jugo da nas je bilo srah (pogotovo Dragana i mene) da nan ne zgoru Tetevišnjica i Sovje. A tamo su nan brodi, pente, arti... Bila bi to katastrofa. Ali na svu sriću, negdi prije Maharca se požar ugasi - taman di više ni goromuša.
Mala Baninova popišiva stanovništvo u Luci. Ni nas baš puno, a uvik se vodu polemike i na prsti broji koliko nas je i svaki put je zbroj drugačiji. Sa´ ćemo bar znati točan broj LUČANOV!
Dobro došli na nase web stranice